Gwobr y Gwenyn Gweithgar 2013

A ydych chi erioed wedi clywed am Berti druan - y wenynen gyfeillgar sydd bob amser yn gweithio’n galetach na’i gyfoedion mewn cwch gwenyn prysur? Byddai gwell gan Berti dreulio ei ddiwrnodau’n peillio blodau gwyllt na pheillio hen afalau diflas.

Mewn eiliad o wrthryfel, mae e’n gadael y cwch gwenyn ac yn penderfynu dilyn ei galon yn hytrach na’r rheolau ac mae e’n mynd i’r goedwig i chwilota am flodau. Ond nawr mae ei ffrindiau mewn trafferth! Rhaid i Berti fod yn ddewr. A fydd e'n llwyddo ac yn achub ei ffrindiau?

Mae profiad helaeth Theatr na nÓg dros y degawdau yn creu theatr i blant ar ei gorau ac yn dod â’r stori ddychmygol yma yn fyw gyda chymeriadau cariadus sionc a cherddoriaeth wreiddiol brydferth.