Pob blwyddyn, mae yna dysgu hudolus yn digwydd mewn ystafelloedd dosbarth ar draws De Cymru. Mae athrawon a disgyblion uchelgeisiol yn creu prosiectau ysbrydoledig yn seiliedig ar themâu cynyrchiadau Theatr na nÓg. 

Er cof am gyn Athrawes Ymgynghorol Celf a Drama y Sir a chyn-gadeirydd bwrdd Theatr na nÓg, Carolyn Davies, hoffwn ni gydnabod yr holl ymdrechion creadigol yma a’u dathlu gyda chystadleuaeth a seremoni wobrwyo. Gwahoddir yr holl athrawon a’r disgyblion sy’n rhan o’r prosiectau ar y rhestr fer i fynychu gyda’u teuluoedd ac mae cyfle i ennill gwobrau gwych wedi cyfrannu gan ein cefnogwyr caredig.

Llongyfarchiadau i'r ysgolion fuddugol o'r gwobr fawreddog:

Gwobr Dysgu Creadigol Carolyn Davies 2019 - Ysgol Gynradd Creunant

Gwobr Dysgu Creadigol Carolyn Davies 2020 - Ysgol Gynradd Cwmafan

Gwobr Dysgu Creadigol Carolyn Davies 2023 - Ysgol Gynradd Blaenymaes

Gwobr Dysgu Creadigol Carolyn Davies 2024 - Ysgol Gynradd Gymunedol St Thomas

Dylai’r rhai sy’n dymuno gwneud cais am Wobr Dysgu Creadigol Carolyn Davies 2025 archebu lle i weld The Fight yn Hydref 2024. Mae’r gystadleuaeth yn agored i bob ysgol gynradd sy’n dod i weld ein cynhyrchiad o The Fight in Swansea.

I gofrestru, defnyddiwch y ffurflen islaw i gyflwyno disgrifiad a fideo byr am eich prosiect dosbarth neu/a’r gweithgareddau sydd wedi ysbrydoli eich ymweliad. Ni ddylai'r disgrifiad fod yn fwy na 500 o eiriau, ac ni ddylai'r fideo fod yn hwy na 5 munud. Y dyddiad cau yw Ionawr 10fed am 5:00yp.

Bydd y Beirniaid yn sgorio prosiectau ar sail y meini prawf canlynol:

 - Mae’r prosiect yn dangos agwedd greadigol a dealltwriaeth o themâu The Fight, gydag archwiliadau a thrafodaethau trylwyr o amgylch y thema.

 - Mae'r prosiect yn dangos ffyrdd creadigol ac arloesol o weithio. Mae prosiectau wedi cysylltu’n greadigol ar draws pob un o’r Chwe Maes Dysgu a Phrofiad gan ddefnyddio’r sioe fel canolbwynt.

 - Mae’r prosiect yn dangos y plant yn arwain eu dysgu eu hunain, gan greu gwaith o ansawdd uchel. Mae'r plant wedi cael eu harwain yn dda i gymryd perchnogaeth o'u dysgu ac maent wedi ymgysylltu'n glir drwy gydol yr amser.

 - Mae’r prosiect wedi’i gyflwyno mewn ffordd ddiddorol a chreadigol, gyda mewnbwn clir gan y plant.

Bydd y tair ysgol orau ar y rhestr fer yn cael eu gwahodd i’r seremoni wobrwyo yn Amgueddfa Genedlaethol y Glannau ar 12fed Mawrth 2025. Sylwch, mae mynychwyr y digwyddiad wedi’u cyfyngu i 60 fesul ysgol.

Bydd y prosiect â’r sgôr uchaf yn ennill:
 - Tlws gwobrwyo i'w arddangos yn eich ysgol
 - £250 yn rhoddedig gan ein noddwyr Carr, Jenkins & Hood 
 - Mwy o wobrau i'w cyhoeddi
Bydd yr ysgolion 2il a 3ydd safle yn derbyn £150 a £100 yn y drefn honno.

Gweler isod fideo buddugol y llynedd gan Ysgol Gynradd Gymunedol St Thomas.

Yn sgil y pandemig, roedd rhaid i ni ganslo'r seremoni gwobrwyo ar gyfer y gystadleuaeth yn 2019. I ddathlu campau'r ysgolion ar y rhestr fer, cafodd seremoni gwobrwyo ar-lein ei greu gyda chast Heliwr Pili Pala. Gallwch chi wylio'r seremoni gwobrwyo a gweld gwaith ardderchog yr ysgol fuddugol, Ysgol Gynradd Cwmafan, islaw.